28.04. 2020.

Za se one ki štimaju naš domaći zajik i naše ČA, parićali smo van nekoliko zagonetki ke je, još davnega 2001. leta, napisal Ivan Rudanović.

Ako bi oteli videt i znat više, poišćite slikovnicu „Veli i mići repići“ i najdite još veseleh i smešneh pjesmic.

Također, nacrtajte odgovori i pošajite nan ih na našu web e-mail adesu: web@vrtic-viskovo.hr

 

 

 

 

ŠIT DA NE ZNA

MA IGLE NOSI

NE DAJ BOG,

NA NJEGA,

STAT BOSI.

HRANU POBIRA I

NABADA,

KI ĆE MI REĆ

KI JE TO SADA?

JOŠ ĆU VAN SAMO REĆ NEŠ,

NAJME,

TO JE MIĆI __________

 

MLADO OD NJE

SE JANČIĆ ZOVE,

OD SEGA ČA ZNA,

SU BESEDE DVE,

PRVA JE BE

ZADNJA JE ISTA.

MLADA KAD JE

PUNO VAJA,

DA ZA NJU RABI DAT

PUNO SOLDI

AL NOVCA,

RECITE DEČINO

TO VAN JE __________

 

KUĆU NAN ČUVA

I KUĆU IMAŽI ON SE HVALI S TEN.

KAD Z REPON MAŠE

POVEDAT NE ZNA,

BI NAPRED, NAZAD,

AL ZLEVA, ZDESNA.

KAD MU JE TEPLO

ZAJIK STEŽE,

JUBAV NJEGOVA

ZA NAS GA VEŽE.

KAD GLAVU ZDIGNE

ZALAJE,

NA GLAS,

TO VAN JE NAŠ

DOMAĆI___________

 

STRAH GA JE VAVEK

BOJI SE SEGA,

I PAS ZALAJE

KAD LOVI NJEGA.

IMA VELE UŠE

ČUJU NA DUGO

TO VAN JE __________

KI BI BIL DRUGO!

 

S KRILI KLEPEĆE,

POLETI.

ŠENICU ZRNA NAJDE

I SE POJI.

SKRIJE SE VA KUĆE

POD ŽLEBAC,

KI DRUGI NEG ___________

 

MIŠI LOVIT,

TO NJOJ JE DELO

I NI TO MIĆO,

LEH JAKO VELO.

I PUL ŠPARGETA

VOLI LEŽAT,

Z NOHTI PO RUKE

ZNALA BI DAT.

ZNAJU JU DECA

ZA REP POVUĆ.

SKOČIT NA STOL

DA ČA OPJAČKA,

VI ĆETE REĆ,

TO VAN JE __________

 

ŠARA JE VELA,

Z REPON STALNO DELA,

MUHE TIRA,

VRAŽJA VIRA.

DVA ROGA

DVA OKA

I ŠARA JE Z BOKA.

MUZU JE VEČER,

VAVEK I Z JUTRA.

PUNO MLEKA

ONA NAN DAVA,

TO VAN JE, DECO,

NAŠA __________